E kuater atletanan Liemarvin Bonevacia, Terrence Agard, Tony van Diepen i Ramsey Angela a gana medaya di plata despues di e final di 4x400 meter den Weganan Olímpiko algun siman pasá. Maske nan a kore bou di bandera hulandes, Bonevacia, Agard i Angela a representá Kòrsou formalmente. E nòmber di nos isla a keda anunsiá den tur programa di notisia na Hulanda. Nos no por lubidá e video ku a bai viral kaminda nan a dediká algun palabra na nan famia i Kòrsou….anto na Papiamentu! Sigur un momento hopi emoshonante! E palabranan aki a sali for di nan kurason. Banda di e tremendo presentashon aki, Bonevacia a kibra rèkert di ta e prome atleta Hulandes den e final olímpiko di 400 meter. Na e momentunan aki, ainda e ta riba vèlt, kosechando mas éksito i kibrando mas rèkert na Bern. Maske e tin un agènda hopi pèrta, tòg e a sa di traha tempu pa kombersá tokante su eksperiensia úniko na Tokyo.
It is impossible to forget Bonevacia’s enthusiasm and spirit of determination before leaving to Tokyo. He was focused on his goal and he showed once again that hard work definitely pays off and that dreams do come true. “Tokyo 2021 was definitely what I expected. Besides winning a silver medal with the team, I broke the record for being the first Dutch athlete in an Olympic final in the 400 meters. Being part of three finals in the Olympics is definitely something to be proud of” Bonevacia mentions at the beginning of our phone call. When talking to him about his achievements, it is incredible feeling the excitement and drill in his voice. “We all know that the Olympics this year were something completely different compared to the previous years because of Covid-19. We could not leave the hotel, we needed to get tested every day and spending time with the Dutch team was limited. It was also different to perform without an audience. There was no support of the crowd, but deep-down I knew the people of the Netherlands and Curaçao were in front of the TV cheering” he continues.
Banda di tur e logronan aki, tambe tabata tin momentu di desepshon. E tim hulandes ku ta konsistí di Ramsey Angela, Lieke Klaver, Femke Bol i Liemarvin Bonevacia a pèrde un medaya den e kategoria di 4x400 meter kombiná. E tim tabata enfoká riba e medaya di oro, pero lástimamente nan a pèrde e oportunidat aki. “Honestamente, mi tabata hopi desapuntá den esaki. Mi mester a tuma mi tempu i e espasio pa dil ku mi emoshonnan, paso siguiente dia mi mester tabata riba vèlt atrobe pa e siguiente kareda. Esaki ta parti di mi trabou. Hende ta wak nos kore pero nan no tin idea di tur e kosnan ku ta pasa tras di pantaya. Ora bo ta partisipá na Weganan Olímpiko, bo mester ta fuerte mentalmente. Tur dia ta otro dia. Bo no por keda pensa riba kosnan ku no a bai bon, pero mester keda enfoká pa ta e miho vershon di bo mes tur dia” Bonevacia ta splika.
Un di e momentunan mas importante di su karera ta definitivamente e echo ku e a kibra e rèkert di ta e prome atleta oropeo i Hulandes den final olímpiko di 400 meter. Un logro personal hopi grandi! “Na momentu ku mi a yega e final, e otro atletanan di Oropa a bin deseami tur kos bon, paso mi tabata representá nan tambe. Mi a gosa e kos aki un mundu! Maske mi no a logra haña un medaya den e kareda aki, e echo ku mi a kibra e rèkert ta nifiká hopi pa mi i pa mi karera” e ta sigui bisa.
Bonevacia su ultimo kareda na Tokyo huntu ku Terrence Agard, Tony van Diepen i Ramsey Angela tabata e último oportunidat pa gana un medaya. I nan a logré! No solamente Hulanda, pero tambe Kòrsou a selebrá e logro aki den gran forma. Videonan di nos atletanan yamando danki a bai viral. Sigur un momentu hopi emoshonante. “Nos a gana e medaya aki bou di bandera Hulandes, pero e medaya aki ta dediká na Kòrsou tambe. Mi a kore bou di bandera di Kòrsou den mi kurason” Bonevacia ta splika.
Na final di Weganan Olímpiko Hulanda a bai kas ku 36 medaya i a keda na di 7 lugá. Despues di wega, tur e ganadornan a ser invitá pa Rei Willem-Alexander i Reina Máxima na Palasio Noordeinde. Esaki sigur tabata un momentu inolvidabel. E atletanan tabata tin un kombersashon hopi ameno ku e Rei ken ta un gran fanátiko di deporte i tambe miembro honorario di International Olympic Committee.
Na e momentunan aki, Bonevacia ta sigui kosechá éksito. Na Bern, Suisa e a logra kue tempu di 44.48. Ku esaki e a surpasá su mes rèkert hulandes ku e a kibra na Weganan Olímpiko. Riba dje, Bonevacia a gana e kareda na Bern: e tabata kasi mitar sèkonde mas lihe ku number dos ku ta Kajetan Duszynski di Polonia. “Mi ta sigui pusha i mi ta keda traha duru pa ta e miho vershon di mi mes tur dia. Mi stima mi trabou i mi ta determiná pa sigui briya.”